―― 103 www 腰 mit beschlossener thür vber das blut richten vnnd vrtheilen mecht , num war er der Erst , dem solches widerfurr , Aber aus neidt wie man sagt , dann er soll hinder des Stettmaisters frawen zu dem altar gangen sein , Doch ers nit gern gethon , gleich ob er gestolpert , nach der Ampelschnuer griffen , das Öll der Ampeln in solchen jr vff den schlayer geschütt , daraus solcher neidt erwachsen , daß er verziegn , er hab von wegen des Schloß Sanzenbach wider glüb vnnd Aydt gethann , hab dis einer frembden Herrschaft on Wiſſen vnd Willen eines erbarn Raths zu kauffen wöllen geben , Derhalben hat man denselben vonn Stetten herab fur das Rathhaus gefurt , vnnd jme das Haupt abgeschlagen , darnach fandt sich das jme Vnrecht geschehen war . Darumb bracht sein Sun dahin das jme die vonn Hall alle jar sein Lebenlang hundert gülden geben müßten . Mayenfels . F. 45 . Anno Domini 1441 sein die vonn Hall mit ſampt andern reich stetten am Montag nach Kiliani fur Mayenfels das bei Mainhardt liegt , zogen , ward am Dünstag nach Egidii gewonnen , sie haben die Edelfrawen mit einem mauleßel , was dieser hett tragen mögen frey daruon ziehen lassen , diese het nach dem hälliſchen gezelt gefragt , vnd zu dem Hauptman gesagt , sie sein thöricht daß sie vff der Erden ligen , die im Schloß liegen in guten Betten , trinkhen Wein vnnd spielen im Prett , nit lang darnach wardts gewonnen vnnd haben die vonn Hall jr offne Darinnen behalten . 4 Rosenberger Krieg . " ) F. 50 . Anno Domini 1469 ward Herr Georg vonn Rosenberg Deren von Hall seindt , hat Orlach an sant michels Abendt verprandt , er ist wolpertshausen bei nacht kommen , ein Licht in eines Baurn haus gesehen , vnnd als er fur das Baurn haus geritten , hat der Baur ein gespannt Armbrust gehapt vnnd geschrien , her , her , Alsdann ist * ) Dieser Stoff ist in neuster Zeit zu einem Volksbüchlein verarbeitet worden unter dem Titel : Jörge von Rosenberg , der Ritter mit dem Besen . Mit Figuren . Herausgegeben von D. Schönhuth .