L IB E R P R IM U S. AEneam, genetrix, hominum Divumque voluptas, Alma Venus, cœli subter labentia signa Quæ mare navigerum, quæ terras frugiferenteis Concelebras; per Te quoniam genus omne animantum Concipitur, visitque exortum lumina solis: Te, Dea, te fugiunt venti, te nubila cœli, Adventumque tuum: tibi suaveis dædala tellus Summittit flores, tibi rident æquora ponti, Placatumque nitet diffuso lumine coelum. Nam simul ac species patefacta est verna diei, Et reserata viget genitabilis aura Favonii; Aeriæ primum volucres te, Diva, tuumque Significant initum perculsæ corda tua vi. Inde feræ pecudes persaltant pabula læta, Et rapidos tranant amneis; ita capta lepore, Illecebrisque tuis omnis natura animantum I